مهموم اشتكيلك

مهموم اشتكيلك

هيعونه اليطوف بحضرتك مظلوم

وهيعونه اليشكي همومه بالحضره

يا سيف النبي ويافرحة المسكين

ويا باب الصبر للي خلص صبره

تمنيت بضريحك روحي مني تروح

يا زوج البتول الطاهرة الحره

حتى الانبياء تندب علي الكرار

اسمك يا علي بالموزمة شكبره

تاريخك مجد يا سيد التاريخ

يا علم الفلك والكون والذره

منو مثلك علي ضحى شكثر للدين

واخر تضحياته يضحي في عمره

ومنو السمو اسد في معركة صفين

وبصولة بدر خلة الزلم حدره

ومنهو الي قهر امة بني اسرائيل

وضلت الى الآن باسمه منقهره

علي اسمك گبل ما واحد مسمي

جبرائيل خط اسمك على الصخره

بالكعبة يحيدر طلكت امك بيك

وحتى الجني الازرك لبد في جحره

يونس ندب بيك انت گبل لصير

وكال احضر علي وخلصني هالمره

يندب يا علي المتضايق ومظلوم

واليندب علي شكد ينفتح صدره

عفية شكد عظيم انت يا ابو الابطال

الجن والنس منك كلها متوشره

منو غيرك شفيع النه يا ابو الكلفات

لو قامت الساعة بنارها الكبره

يا ركن الرسالة ويا ابو ثأر الله

ويا اول القدره واخر القدره

ويا سيف الفقار وقاريء علم الغيب

ويا بيرق محمد ساحة الوزره

يا صنديد يالمثلك فلا موجود

وكعبة الطلكتك موحكها مفتخره

عاشرنه طريقك باول المشوار

وبس ابن الزنى الي ينكر العشره

والله يا علي من انخاك وكت الضيج

همومي تروح كلها وتنجلي الحسره

محمد بالغدير شكال للاسلام

مو وصا بعلي من بعدي بالامره

ويتبره محمد منه يوم الدين

كل من ما حزن في ليلة الطبره

علي وابنه حسين العجب الثورات

بيرق رفع راسه باخر الثوره

حسين الماخذل دينه وكتاب الله

شلون يذل حسين وامه الزهره

نادى الموت اولى من ركوب العار

وخله جيوشهم عل ارض مطشره

وابنك ابو فاضل بالغضب بركان

ليث وبالشدايد محد يكدره

سحكها بالفرات وخله دمها يسيل

تمنيت الفرات ينشف ولا كطره

لان عطش جبود المصطفى الاحرار

وعباس انغدر باليمنة واليسره

مهموم اشتكيلك حالي يا مولاي

انا بصدري يحيدر غافية العبره

توازت يا علي والباطل السياف

والحق صار اخرس وانكسر ظهره

ما يخدر جرح ولا يريد يطيب

سم فرعون بيه الجرح شيخدره

الضلع طك وانكسر واختلت الاوزان

ومنو غيرك غضنفر يكدر يجبره

يا حامي الحما شنسوي محتارين

تعبنه من الدما والظلم والهجره

ما صارت كبل حتى بزمن نمرود

السواها يزيد وزمرته وشره

انا منين اشتكيلك واحجي من يا باب

من هذا زماني القاسي وغدره

حقدو عالنسل چي من علي الكرار

شچم هاشمي ايه الضيعو ذكره

خلصنه انتهينه كلي وين انروح

وعيشتنه صفت يا عيشة الكشره

يا حاكم يجينه يلزم علينه الصوط

كصو بسيوفهم وجفوفهم قذره

اعتقالات ومشانق سجل التاريخ

وماكو من ضلمهم كل بشر يبره

شكد سنين عشنه بعالم الاحزان

كل يوم اليجي نتأمل البشره

من هالك المالك لنشره ولنباع

و وطنه يا علي صار بورق سعره

الحد من سيدي استعمار باستعمار

ويا حاكم يجينه محمل بشره

انطينه تضحيات من الشباب هواي

مو مليون حتى تعدو العشره

شجا هذا الوطن بي كثرة الرايات

كلمن رايته ودستوره وقصره

وشجا هذا الوطن يا وطن البترول

الحراميه تحوف ومد ينطره