وطااااار له من الصدر عصفور ..

وطااااار له من الصدر عصفور ..



















بقايا الحزن بدروب الشقى ياعين منثوره

ـــــــــــــــــــ ورجلي تعجل الخطوه بدربٍ ما يوديني


وصلت بـ آخر دروب الظلام وليل ديجوره
ـــــــــــــــــــ حسافه ضاعت بـ.. آخر ( متاهاتي عناويني )


شقى !
مدري وله !!
مدري ضياع !!؟
وروح مهجوره
ـــــــــــــــــــ ولكن الاكيد إني جلست اصفق ايديني

وانا اللي كلما حصلت (عذر) .. وقلت (معذوره)
ـــــــــــــــــــ اشوف العذر في عيني .. يموتني ويحييني

وأنا اللي لاشهق صبحي بقايا ليلي بنوره
ـــــــــــــــــــ دريت إني على حزني مثل ما ع السهر عيني

مجرّد حلم .. كان يعيشني والملم طيوره
ـــــــــــــــــــ غبيه يوم احسب اللي .. متوهني بيهديني

سقى الله يايباسي .. يوم كنت رياض ممطوره !!؟
ــــــــــــــــــ عسى الله لا يجنبني رضاه .. ولا يخليني

تشّوه .. كل صبح طار له من الصدر عصفوره
ـــــــــــــــــــ وكرهني .. كل عطر ٍ كان بأدراجي يناديني

وأنا ويني .. ووين اهج .. من وقتي ومن جوره
ـــــــــــــــــــ الا يا فرحتي بالله وين انتي وانا ويني

لك الله ماكتبت الشِعر لجل يقال مشهوره
ـــــــــــــــــــ وربي كل بيت كان ( يكتبني ويمحيني )
.................................يكتبني ويمحيني










الشاعره القديره / نجلاء الشريف